日本傢私咁靚？點樣買返香港？

去日本旅行，或者網上睇日本家居雜誌、IG，好多人都會俾日本傢私嘅設計吸引住——簡約線條、實木質感、日系收納巧思，同香港常見嘅款式好唔同。但心動之後，好多人第一個問題就係：呢啲傢私點樣先買到手，仲要運返香港？

呢篇文幫你梳理清楚，日本傢私可以點樣入手，同埋每種方法要留意咩。

點解日本傢私咁受歡迎？

先簡單講下，日本傢私點解特別受香港人青睞：

• 細空間設計思維同香港接近：日本同香港一樣寸金尺土，好多日本品牌傢私都特別針對細單位設計，尺寸、比例啱晒香港家居

• 無印良品、niko and…、FrancFranc、IDÉE呢類品牌，喺日本本土嘅款式選擇同尺碼，往往比香港分店更齊全，價錢亦可能更抵

方法一：日本官網/連鎖店直接網購

如果你想買嘅係無印良品、ニトリ（Nitori）、FrancFranc呢類連鎖品牌，佢哋通常有官方網店。

要留意：

• 好多日本家具官網唔支援直送海外，落單時見到冇香港作為收貨地址選項就係呢個原因

• 就算網站話支援海外配送，運費通常都係以日本國內物流計算基礎，體積大件嘅家具海外直送費用可能非常貴，甚至比商品本身更貴

• 付款方面，部份網站對海外信用卡都會有限制，出現扣款失敗嘅情況

呢種情況下，通常嘅做法係先寄去日本本地地址（例如代購/代運公司嘅倉庫），再由嗰邊安排寄返香港，會比直送海外抵好多。

方法二：日本傢俬店現場睇貨（去旅行順便買）

去日本旅行嗰陣，去實體店睇到心水傢私，即場買咗，但又冇辦法自己揹返香港——呢個都係好常見嘅情況。

要留意：

• 好多實體店本身唔提供國際物流服務，最多幫你寄去日本國內地址

• 想帶返香港，通常要自己安排一個日本收貨地址（例如轉運倉），再由嗰邊寄返香港

• 
  

買咗之後，點樣運返香港？

無論用邊一種方法買到手，最後一步都係要將傢私由日本運返香港。呢部分屬於集運嘅範疇，因為傢私通常體積大、易碎、需要特別包裝處理，同一般小件代購貨唔一樣，有幾樣特別要留意嘅位（例如點計運費、拆件包裝、保險等），我哋喺下一篇〈日本傢私點運返香港？集運注意事項全攻略〉會詳細講解。