代購、代付、集運有咩分別？3分鐘幫你揀啱啱岩用嘅日本網購服務

想買日本嘢，一上網search就見到「代購」「代付」「集運」呢幾個字，睇落好似差唔多，但其實對應緊完全唔同嘅情況。搞錯就可能搵錯人幫手，白白比多咗手續費甚至耽誤時間。

呢篇文用最簡單嘅方法，幫你3分鐘搞清楚自己而家嘅情況啱用邊一種。

先問自己一條問題：你卡住喺邊一步？

日本網購通常有3個位會「卡關」，請對號入座：

1. 揀貨、落單嗰步卡住 → 你需要嘅係代購

2. 已經揀好貨、去到付款嗰步卡住（例如信用卡payment Fail）→ 你需要嘅係代付

3. 識買，但差個地址收貨 → 你需要嘅係集運

日本代購：落單收件轉寄一條龍幫你搞掂晒

適合情況：

• 無時間，想一步到位，用錢解決

• 懶得管理到貨，只想比錢就有人處理

• 唔識日文，唔知點落單

• 想買嘅嘢喺Mercari、Yahoo拍賣呢類二手／拍賣平台，流程複雜

• 官網根本唔寄海外，或者唔收海外信用卡，你連落單都做唔到

• 想搵人幫手核對商品狀態、開箱檢查先寄出

  
  

運作方式： 你只需要提供連結或者截圖，其餘落單、代付、收貨檢查、打包、寄出全部由代購公司一手包辦。等於由頭到尾唔使自己接觸日本網站。

代購服務通常已經包埋代付呢一part，所以如果你揀咗代購，就唔使再另外搵代付服務。

👉 想知代購點收費，可以按此睇〈日本代購服務〉了解詳情。

日本代付：你自己揀貨，淨係俾錢嗰步卡住

適合情況：

• 你已經識用日本網站、已經揀好貨、加咗入購物車

• 去到結帳嗰刻，信用卡被拒、顯示錯誤，或者網站根本冇海外卡選項

• 想用便利店（Lawson、7-11、FamilyMart等）、Payeasy或者銀行轉帳完成付款，但呢啲方式只有日本本地帳戶／本地便利店先用到

• 貨品要搶購，只相信自己手速。

運作方式： 你只需要自行落單，提供付款截圖、Barcode或者賬單資料，代付公司會喺日本當地用你指定嘅方式（便利店／Payeasy／轉帳）幫你完成付款。

代付唔包括揀貨或者國際運送——貨去到日本某個地址之後，你仲需要另外處理集運返香港嗰part。

👉 遇到碌卡失敗，可以按此睇〈日本代付服務〉了解詳細付款方式。

日本集運：貨已經喺日本，得返運返香港

適合情況：

• 貨已經自己買咗，或者朋友喺日本幫手買咗、寄去某個日本地址

• 去日本旅行掃咗貨，行李裝唔晒，想寄返香港

• 純綷需要一個日本收貨地址 + 運送去香港嘅服務，唔需要人幫手落單或者俾錢

運作方式： 你將貨品寄去指定嘅日本倉庫地址，倉庫收貨、檢查、打包（脆弱物品可以加固），再定期空運去香港，你去交收點自取或者選擇送貨到府。

👉 想知運費點計、幾時出貨，可以按此睇返〈日本集運服務〉頁面。