日本網購
國際快遞與物流
日本傢私空運好定船運好？
空運定船運？點揀先啱
傢私運返香港,通常有空運同船運兩種選擇,揀邊種主要睇體積同你幾急要。
空運:細件、急要,揀呢個
餐椅、茶几呢類體積唔算大嘅傢私,雖然空運嘅運費單價會貴啲,但可以直送上門、速度快,唔使等埋成船期。如果件傢私本身唔算大,又想快啲用到,空運反而抵過想像中咁貴。
船運:大件、唔急,先抵
船運嘅運費單價通常平過空運,但有個關鍵位要留意——大部份船運都有minimum計算,通常係1立方米(1CBM)。即係話,就算你件傢私實際只係佔0.2-0.3CBM(例如一張餐椅、一張細茶几),都要照1CBM嘅價錢計。所以細件傢私用船運,好多時未必真係抵過空運,反而係大型傢俬(例如衣櫃、梳化、碌架床)先真正發揮到船運「量大先抵」嘅優勢。
一個好易被忽略嘅重點:1件唔算特別大嘅傢俬櫃,都有機會空運更抵
好多人以為「櫃」一定要用船運,但如果件傢俬櫃本身體積唔算特別誇張(例如細身書櫃、鞋櫃),用空運嘅實際計法(通常會計體積重同實際重取較大者)有機會比船運嘅1CBM底價仲平,值得兩邊都問清楚報價先做決定。
簡單判斷法:
情況 | 建議 |
|---|---|
細件(餐椅、茶几、細層架),想快 | 空運 |
細件,想慳錢,唔急 | 都建議先問清楚報價——1CBM底價未必划算 |
大件(梳化、衣櫃、碌架床) | 船運 |
細身傢俬櫃 | 兩邊都問報價比較 |
CBM點計?
CBM(立方米)嘅計法係:長 × 闊 × 高(米)。
例如一張茶几長1米、闊0.5米、高0.4米,CBM就係 1 × 0.5 × 0.4 = 0.2立方米。
如果唔清楚自己件傢私實際係幾多CBM,或者唔肯定應該揀空運定船運先抵,可以直接將傢私嘅尺寸同相片WhatsApp俾我哋,我哋會幫你計清楚兩種方案嘅實際報價比較。